Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Duke komentuar paralajmërimin nga qeveria për pakon prej 200 milion eurosh për të ndihmuar bizneset, Kryetari i Odës së Hotelerisë dhe Turizmit të Kosovës, Hysen Sogojeva ka vlerësuar se kjo më shumë po shihet si fushatë se sa zgjidhje e qëndrueshme e problemeve me të cilat po përballen bizneset. “Nëse e krahasojmë katër-pesë vitet e fundit, çdo herë është dashur me intervenuar qeveria për shkak të rritjes së çmimeve. Çdo herë është dashur me intervenuar si për me mund me zbut pak rritjen e çmimeve. Kurse kjo për ne personalisht po them, kjo po kuptohet si një lloj fushate. Pse kjo nuk ndodhi më herët? U dasht më herët para se me i pasë këto rritjet e fundit. Bile bile edhe me këto rritjet e fundit, edhe pse prapë po intervenon me 200 milionë, kjo prapë është pak se kemi rritje enorme në krahasim, krahasim para katër-pesë viteve ose tre-katër viteve. Do të thotë po kuptohet si fushatë. Me pasë qenë më herët, ndoshta ishte kuptuar pak më në mënyrë objektive, ndërsa sot në këto rrethana se a ka zgjedhje apo nuk ka zgjedhje, po shohim po del që është një lloj fushate” ka theksuar biznesmeni, Hysen Sogojeva.
