Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përmes një komunikimi telefonik, Jakup Krasniqi ka përcjellë një telegram ngushëllimi për familjen e akademikut Rexhep Qosja, i cili është transmetuar publikisht nga Bilall Sherifi. Në mesazhin e dërguar nga të paraburgosurit në gjykatën speciale në Hagë, shprehet dhimbje e thellë për ndarjen nga jeta të intelektualit dhe atdhetarit të njohur, duke e cilësuar këtë humbje si të rëndë jo vetëm për familjen, por për gjithë kombin shqiptar. Në telegram theksohet se jeta dhe vepra e Rexhep Qosja do të mbeten një dritë udhërrëfyese për brezat, ndërsa figura e tij do të jetojë përherë në kujtesën dhe respektin e atyre që e njohën dhe e vlerësuan. Autorët e mesazhit, ndonëse të privuar nga liria prej vitesh, kanë shprehur solidaritet të plotë me familjen Qosja, duke theksuar se ndajnë të njëjtën dhimbje dhe qëndrojnë pranë tyre “me zemër e shpirt”, pavarësisht distancës. Telegrami përmbyllet me urimin që familja të gjejë forcë në kujtimet dhe dashurinë që akademiku la pas, duke e cilësuar atë si një bashkudhëtar në rrugëtimin për realizimin e aspiratave kombëtare. Ky mesazh i dërguar nga Hagë i bashkohet homazheve të shumta që po vijnë nga figura politike dhe publike shqiptare, në nderim të jetës dhe veprës së një prej mendjeve më të shquara të kombit.
