Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasada e Gjermanisë në Kosovë ka deklaruar se po e ndjek nga afër procesin e zgjedhjes së Presidentit dhe pret që të gjithë aktorët politikë të veprojnë në përputhje me Kushtetutën e Republikës së Kosovës. Në një përgjigje për Radion Evropa e Lirë, Ambasada e Gjermanisë në Kosovë theksoi rëndësinë e respektimit të rendit kushtetues në një proces që po zhvillohet në një klimë të tensionuar politike dhe me mungesë të kuorumit të plotë parlamentar. Qëndrimi i ambasadës vjen në një kohë kur përfaqësues të opozitës dhe shoqërisë civile kanë ngritur shqetësime se tentativa për votim të Presidentit pa kuorumin e nevojshëm mund të cenojë rendin kushtetues dhe rregullat parlamentare. Procesi i zgjedhjes së kreut të shtetit po vazhdon mes mosmarrëveshjeve politike dhe përpjekjeve për sigurimin e pjesëmarrjes së plotë të deputetëve në Kuvend.
