Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Situata politike në Kosovë po tensionohet më tej, me akuza të ndërsjella mes partive në pushtet dhe opozitës. Grupi parlamentar i Aleanca për Ardhmërinë e Kosovës ka akuzuar kryeministrin Albin Kurti dhe Lëvizja Vetëvendosje për, krijimin e një krize të qëllimshme institucionale dhe për shtyrjen e vendit drejt zgjedhjeve të reja. Shefi i deputetëve të AAK-së, Besnik Tahiri, deklaroi se partia e tij nuk do të bëhet pjesë e “komplotit politik”, siç e quajti ai situatën aktuale, duke kritikuar mënyrën e komunikimit të kryeministrit. “Qysh flet një kryeministër që don me ia dhënë zgjidhje Kosovës, por del e flet në media. Kjo nuk është gjë tjetër veç bartje e fajit,” tha Tahiri. Deklaratat e AAK-së, reflektojnë rritjen e përplasjes politike në një moment kritik institucional, ku mungesa e marrëveshjes për presidentin rrezikon të çojë vendin në një cikël të ri zgjedhjesh të parakohshme.
