Kryetari Haliti viziton Misionin Katolik Shqiptar në Sirnach dhe Shoqatën “Stublla” në Zvicër

04/05/2026 Institucionet

Në vazhdën e takimeve të shumta që po zhvillon në Zvicër, Kryetari i Komunës së Vitisë, Sokol Haliti, dje u mirëprit në Misionin Katolik Shqiptar në Sirnach, si dhe në Shoqatën Kulturore “Stublla” në Zvicër.

Gjatë kësaj vizite, Kryetari Haliti u prit nga misionari i misionit, Dom Marjan Demaj, si dhe nga kryetari i shoqatës, Nue Uka. Po ashtu, në këtë takim ishte i pranishëm edhe kryetari i Ansamblit “Arbëresha”, Avgustin Ukaj, të cilët e njoftuan nga afër me aktivitetet dhe angazhimet e tyre në shërbim të komunitetit shqiptar në diasporë.

Me këtë rast, Kryetari Haliti ndau mirënjohje për Shoqatën “Stublla” në Zvicër, për kontributin e saj të çmuar të dhënë për vendlindjen, nëpërmjet realizimit të shumë projekteve me rëndësi për komunitetin.

Në këtë vlerësim u përfshi edhe bashkëpunimi i ngushtë që shoqata ka me Misionin Katolik Shqiptar në Sirnach dhe Ansamblin “Arbëresha”, si dhe veprimtaria e saj e shtrirë në shtete të tjera si Gjermania, Austria dhe Italia.

Ai theksoi rëndësinë e rolit të diasporës në zhvillimin dhe afirmimin e vendit, duke shprehur gatishmërinë për bashkëpunim të mëtejmë institucional në projekte me interes të përbashkët.

Kontrolloni gjithashtu

U përkujtua dëshmori Kemajl Azizi

Në 27-vjetorin e rënies heroike të dëshmorit të kombit, Kemajl Azizi, Kryetari i Komunës së …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara