Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Mungesa e Hykmete Bajrami dhe Avdullah Hoti në mbledhjen e Kryesisë së Lidhja Demokratike e Kosovës, ku u diskutua afrimi me Vjosa Osmani, ka nxitur spekulime për përçarje të brendshme dhe rezistencë ndaj një marrëveshjeje politike. Dy figurat e njohura të LDK-së janë përmendur si zëra kritikë ndaj bashkëpunimit me Osmanin, ndërsa mungesa e tyre në një takim kaq të rëndësishëm po interpretohet si sinjal i qartë i mospajtimeve brenda partisë. Deri më tani nuk është dhënë asnjë shpjegim zyrtar për mungesën e tyre. Fotografitë e publikuara nga kryetari i LDK-së, Lumir Abdixhiku, konfirmojnë mungesën e Bajramit dhe Hotit, duke shtuar edhe më shumë pikëpyetje rreth unitetit të brendshëm në këtë fazë vendimtare politike. Pas publikimit të lajmit, Hoti reagoi në mënyrë simbolike përmes një postimi me logon e LDK-së dhe mbishkrimin “LDK mbi të gjitha”, një mesazh që po lexohet si distancim i heshtur nga zhvillimet e fundit. Burime brenda takimit bëjnë të ditur se po kristalizohet një marrëveshje politike, ku Osmani pritet të jetë kandidate për presidente, ndërsa Abdixhiku synon postin e kryeministrit. Sipas këtyre burimeve, nuk bëhet fjalë vetëm për deklarime politike, por për një konfigurim konkret elektoral që tashmë po merr formë.
