Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lideri i Lëvizjes Vetëvendosje, Albin Kurti, është përballur me kritika pas një aktiviteti elektoral ku një vajzë e mitur recitoi një poezi me përmbajtje politike, ngjarje që ka nxitur reagime dhe debat në opinionin publik. Sipas pamjeve të publikuara në rrjetet sociale, Kurti prezantoi vajzën duke thënë se ajo kishte shprehur dëshirën të performonte para të pranishmëve. Gjatë recitimit, u përdorën vargje me përmbajtje politike dhe referenca ndaj kundërshtarëve politikë, gjë që ka nxitur kritika për përfshirjen e fëmijëve në mesazhe të fushatës zgjedhore. Pas performancës, vajza brohoriti disa herë në mbështetje të liderit të LVV-së, ndërsa Kurti qëndronte pranë saj në skenë. Lidhur me rastin kanë reaguar edhe përfaqësues të shoqërisë civile, të cilët kanë përsëritur thirrjet që fëmijët të mos përdoren në aktivitete politike apo elektorale. Sipas tyre, partitë politike duhet të tregojnë kujdes të shtuar për të shmangur përfshirjen e të miturve në mesazhe që mund të perceptohen si propagandë politike. Çështja ka hapur debat mbi kufijtë e përfshirjes së fëmijëve në fushata zgjedhore dhe përgjegjësinë e subjekteve politike për të respektuar standardet që mbrojnë të drejtat dhe mirëqenien e të miturve.
