Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komuna e Skenderajt ka njoftuar se ceremonia e varrimit të ish-komandantit të Ushtrisë Çlirimtare të Kosovës, Sahit Jashari, i cili ndërroi jetë më 12 qershor, do të zhvillohet nën përkujdesjen e kryetarit të komunës, Sami Lushtaku.
Sipas agjendës së publikuar nga komuna, homazhet pranë arkivolit të të ndjerit do të mbahen sot nga ora 11:30 deri në orën 14:00, në Palestrën “Ilaz Kodra” në Skenderaj.
Menjëherë pas homazheve, në të njëjtin vend, duke filluar nga ora 14:00, do të mbahet mbledhja komemorative kushtuar jetës dhe veprës së Sahit Jasharit.
Ceremonia e varrimit do të zhvillohet në ora 16:00 në varrezat e lagjes Jashari në Prekaz, ku familjarë, bashkëluftëtarë, përfaqësues institucionalë dhe qytetarë do t’i japin lamtumirën e fundit ish-Komandantit të UÇK-së.
Ndërkaq, e pamja do të mbahet më 13 dhe 14 qershor, nga ora 08:00 deri në 16:00, në Palestrën “Ilaz Kodra” në Skenderaj.
Me këtë rast, Komuna e Skenderajt ka shprehur ngushëllimet më të sinqerta për familjen Jashari, miqtë, bashkëluftëtarët dhe të gjithë ata që e njohën dhe vlerësuan kontributin e Sahit Jasharit në periudhat më të rëndësishme të historisë së Kosovës.
