Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e PDK-së, Blerta Deliu, ka reaguar pas pranimit të gabimit dhe kërkimfaljes nga Elvis Hoxha për shpërndarjen e një lajmi të rremë lidhur me deputeten e AAK-së, Time Kadrijaj. Hoxha kishte shpërndarë një material të manipuluar, të paraqitur si ballinë e një gazete serbe, ku pretendohej se Kadrijaj ishte lavdëruar në Serbi për incidentin në Kuvendin e Kosovës, ku ajo kishte gjuajtur me vezë kryeministrin në detyrë, Albin Kurti. Pas reagimit dhe kërkimfaljes së Hoxhës, Deliu ka drejtuar kritika ndaj kryeministrit në detyrë, duke thënë se heshtja e tij nuk mund të konsiderohet më thjesht heshtje. “Heshtja e kryeministrit nuk është më heshtje, por përgjegjësi politike”, ka shkruar Deliu. Ajo ka kritikuar gjithashtu personat që, sipas saj, mbajnë poste ose kanë ndikim publik dhe që vazhdimisht sulmojnë pjesëtarët e Ushtrisë Çlirimtare të Kosovës. Reagimi i Deliut vjen në një klimë të tensionuar politike, pas përhapjes së një materiali të fabrikuar me Inteligjencë Artificiale, i cili u shpërnda nga disa figura të afërta me Lëvizjen Vetëvendosje.
