Kryetari Sami Lushtaku organizon sonte në Skenderaj tubim në pritje të verdiktit të Hagës

15/09/2026 Institucionet

Kryetari i komunës së Skenderajt dhe ish-komandanti i Ushtrisë Çlirimtare të Kosovës në Drenicë, Sami Lushtaku, ka bërë të ditur se sonte në sheshin “Adem Jashari” në Skenderaj do të organizohet një tubim në pritje të vendimit të nesërm ndaj ish-krerëve të UÇK-së në Hagë.

Tubimi do të nisë në orën 20:00.

Përmes një postimi në “Facebook”, Lushtaku u ka bërë thirrje bashkëluftëtarëve, familjeve të dëshmorëve, veteranëve dhe të gjithë qytetarëve të Skenderajt që t’i bashkohen tubimit.

“Ftoj bashkëluftëtarët, familjet e dëshmorëve, veteranët dhe të gjithë qytetarët e Skenderajt që sonte të jemi bashkë, unikë dhe të palëkundur në mbështetje të çlirimtarëve tanë!”, ka shkruar Lushtaku.

Aktgjykimi ndaj Hashim Thaçit, Kadri Veselit, Jakup Krasniqit dhe Rexhep Selimit pritet të shpallet të mërkurën, më 16 shtator, në Hagë.

Kontrolloni gjithashtu

Malisheva intensifikon fushatën kundër trafikimit me qenie njerëzore, vetëdijesohen edhe nxënësit

Komuna e Malishevës po vazhdon angazhimin për parandalimin e trafikimit me qenie njerëzore, përmes aktiviteteve …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara