Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Instituti i Kosovës për Drejtësi, pas zgjedhjes së Justina Shiroka-Pulës Presidente e Republikës së Kosovës, i ka kërkuar asaj që në fillim të mandatit të paraqesë publikisht vizionin dhe qëndrimet e saj për çështjet kryesore institucionale dhe shtetërore. IKD vlerëson se Presidentja ka rol të rëndësishëm në garantimin e funksionimit kushtetues të institucioneve, përfaqësimin e Kosovës jashtë vendit, drejtësinë, sigurinë, politikën e jashtme dhe mbikëqyrjen e institucioneve të pavarura.Sipas IKD-së, Shiroka-Pula duhet të sqarojë qëndrimet e saj për 10 fusha kryesore:
- funksionimin kushtetues dhe demokratik të institucioneve;
- Dhomat e Specializuara, personat e zhdukur dhe drejtësinë për viktimat;
- partneritetin me SHBA-në, BE-në dhe integrimin euroatlantik;
- pavarësinë nga partitë politike dhe përfaqësimin e të gjithë qytetarëve;
- kthimin e ligjeve në Kuvend për rishqyrtim dhe mbrojtjen e interesit publik;
- sundimin e ligjit dhe emërimet në sistemin gjyqësor e prokurorial;
- luftën kundër korrupsionit dhe mbrojtjen e institucioneve të pavarura;
- dialogun Kosovë-Serbi, sovranitetin dhe marrëveshjet ndërkombëtare;
- sigurinë kombëtare, FSK-në dhe situatën në veri të Kosovës;
- të drejtat e njeriut, komunitetet, mirëqenien sociale dhe llogaridhënien para qytetarëve.
IKD ka kërkuar veçanërisht që Presidentja të deklarohet për procesin përmes të cilit është zgjedhur, përkatësisht nëse vlerëson se zgjedhja e saj është bërë në përputhje me Kushtetutën, aktgjykimet e Gjykatës Kushtetuese dhe procedurat parlamentare.
