Komisioni shqyrton propozimet për plotësim dhe ndryshimin e Statutit të Komunës së Malishevës

19/10/2026 Institucionet

Komisioni për ndryshimin dhe plotësimin e Statutit të Komunës së Malishevës ka filluar punën e tij lidhur me shqyrtimin e propozimeve për plotësimin dhe ndryshimin e dispozitave të Statutit të Komunës së Malishevës. Kjo mbledhje e komisionit është drejtuar nga kryesuesi i Kuvendit të Komunës, Fatmir Ademaj.

Në këtë mbledhje të komisionit, morën pjesë nënkryetari i Komunës, Vesel Krasniqi, përfaqësues nga Zyra e Kryetarit, përfaqësues të partive politike dhe të shoqërisë civile.

Gjatë punës së Komisionit u paraqitën dhe u shqyrtuan propozimet për ndryshimin dhe plotësimin e neneve të caktuara të Statutit të Komunës së Malishevës. Si akti themelor juridik i komunës, Statuti përcakton organizimin dhe funksionimin e institucioneve komunale, si dhe kompetencat dhe përgjegjësitë e tyre.

Procesi i shqyrtimit, plotësimit dhe ndryshimit të Statutit ka rëndësi për avancimin e funksionimit institucional, harmonizimin e dispozitave komunale me legjislacionin në fuqi dhe përshtatjen e tyre me nevojat aktuale të qeverisjes dhe të qytetarëve të Komunës së Malishevës.

Kontrolloni gjithashtu

Komiteti për Politikë dhe Financa mbajti mbledhjen e 9-të të rregullt

Në Viti sot është mbajtur mbledhja e nëntë e rregullt e Komitetit për Politikë dhe …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara