Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komandanti i Forcës së Sigurisë së Kosovës, gjenerallejtënant Bashkim Jashari, ka pritur në takim mirëseardhës komandantin e ri të KFOR-it, gjeneralmajor Roberto Vergori, me rastin e marrjes së detyrës. Gjatë takimit, Jashari i ka uruar Vergorit suksese në përgjegjësinë e re, duke shprehur gatishmërinë për vazhdimin dhe avancimin e bashkëpunimit profesional ndërmjet FSK-së dhe KFOR-it. Sipas njoftimit, në fokus të takimit ishte bashkëpunimi ndërmjet dy forcave, koordinimi institucional dhe rëndësia e komunikimit të vazhdueshëm për ruajtjen e paqes, sigurisë dhe stabilitetit në Kosovë dhe më gjerë. Të dyja palët kanë theksuar rëndësinë e partneritetit dhe besimit të ndërsjellë në përmbushjen e përgjegjësive të tyre në shërbim të sigurisë. Bashkëpunimi ndërmjet FSK-së dhe KFOR-it mbetet një element i rëndësishëm i koordinimit në fushën e sigurisë në Kosovë.
