Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Shqipërisë, Edi Rama, ka reaguar sërish lidhur me incidentet e dhunshme të regjistruara gjatë shtatë ditëve të protestave, duke shprehur mbështetje për punonjësit e Policisë së Shtetit. Rama i ka cilësuar efektivët e policisë si më të mirët në përballimin e situatës së krijuar, ndërsa u ka bërë thirrje të tregojnë durim dhe vetëpërmbajtje ndaj të rinjve që protestojnë. Përmes një deklarate, kreu i qeverisë shqiptare ka dalluar protestuesit nga personat që, sipas tij, përdorin gurë dhe vënë zjarrin gjatë përplasjeve. “Respekt dhe po, jeni më të mirët në këto ditë agresioni me gurë e me zjarr mbi ëndrrën e Shqipërisë 2030 në Bashkimin Evropian. Durim dhe vetëpërmbajtje me të rinjtë që protestojnë. Forcë me gurëhedhësit dhe zjarrvënësit e maskuar”, ka deklaruar Rama. Reagimi i kryeministrit vjen në një kohë kur protestat në Shqipëri janë shoqëruar me tensione dhe përplasje, ndërsa thirrjet për vetëpërmbajtje dhe ruajtjen e rendit publik mbeten në qendër të debatit.
