Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri slloven, Janez Jansha, ka paralajmëruar se Sllovenia nuk do të mbështesë përparimin e Serbisë drejt Bashkimit Evropian pa dorëzimin e arkivave të shërbimeve sekrete të ish-Jugosllavisë. Kërkesa e tij rikthen në qendër të vëmendjes çështjen e dokumenteve të UDB-së dhe llogaridhënien për veprimtarinë e aparatit represiv jugosllav. Janez Jansha ka deklaruar se autoritetet e reja serbe duhet t’ia dorëzojnë Sllovenisë dokumentacionin e shërbimeve sekrete të ish-RSFJ-së që lidhet me këtë shtet, duke e bërë këtë kusht për mbështetjen sllovene në procesin e integrimit evropian. „Ne nuk do të japim pëlqimin për asnjë përparim derisa Serbia t’ia dorëzojë Sllovenisë të gjitha arkivat e UDB-së, SDV-së, JNA-së, ZSNZ-së dhe shërbimeve të tjera të ish-RSFJ-së që lidhen me Slloveninë“, ka shkruar Jansha në platformën X. Qëndrimi i tij vjen në një moment kur perspektiva evropiane e Serbisë po rikthehet në diskutimet politike, ndërsa çështja e hapjes së arkivave të ish-shërbimeve sekrete mbetet temë e ndjeshme në rajon. Megjithatë, pretendimet për bashkëpunimin e Martës Kos me UDB-në nuk përbëjnë fakte të vërtetuara. Kos i ka mohuar vazhdimisht akuzat se ka qenë informatore e shërbimit sekret jugosllav. Ndërkohë, nga radhët e partisë sllovene Svoboda kanë ardhur kritika ndaj qëndrimit të Janshës. Deputeti Matej Grah e ka akuzuar atë se po e shfrytëzon çështjen e arkivave për përplasje të brendshme politike. Përtej polemikave politike në Slloveni, kërkesa e Janshës ngre një çështje më të gjerë për rajonin: hapjen e arkivave të ish-shërbimeve sekrete, zbardhjen e veprimtarisë së tyre dhe transparencën për të kaluarën e ish-Jugosllavisë.
