Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Kosovës, Hashim Thaçi, pas takimit në Bruksel ka deklaruar se Beogradit i është bërë e qartë se Kosova do të veprojë si shtet i pavarur dhe sovran dhe do të përgjigjet në mënyrë institucionale ndaj provokimeve të Serbisë, si ai me trenin. Ai thotë se gjatë takimit në BE janë hapur të gjitha çështjet, përfshirë edhe fletë-arrestimet e Serbisë, ndërsa i ka bërë thirrje Beogradit që të mos manipulojë me serbët e Kosovës. Takimi, në të cilin kanë marrë pjesë kryeministrat e Kosovës dhe Serbisë, Isa Mustafa dhe Aleksandar Vuçiq, dhe kryetarët e dy vendeve, Hashim Thaçi dhe Tomisllav Nikoliq, është thirrur si një përpjekje e BE-së për t’i ulur tensionet midis dy palëve.
