leoni

Meta: Shqipëria e ka për detyrë angazhimin e saj në funksion të njohjeve të Kosovës

Meta: Shqipëria e ka për detyrë angazhimin e saj në funksion të njohjeve të Kosovës

Kryetari i Kuvendit të Shqipërisë, Ilir Meta, është takuar me ministrin e Punëve të Jashtme të Kosovës Enver Hoxhaj. Meta e ka vlerësuar bashkëpunimin e ngushtë mes Kuvendit të Shqipërisë dhe atij të Kosovës duke theksuar se Kuvendi mbështet punën e përbashkët të dy Qeverive në funksion të përmirësimit të partneritetit strategjik mes dy shteteve. Ai ka thënë se Shqipëria e ka për detyrë angazhimin e saj të gjithanshëm në funksion të njohjeve të shtetit të Kosovës, pjesëmarrjes dhe anëtarësimit të saj në organizatat ndërkombëtare dhe në shërbim të konsolidimit të perspektivës euroatlantike të saj. Ndërsa ministri MPJ-së, Enver Hoxhaj, ka shprehur mirënjohjen për mbështetjen e shtetit shqiptar dhe në veçanti të kryetarit të Kuvendit të Shqipërisë për rritjen e përfaqësimit të Kosovës në platformat rajonale dhe ndërkombëtare, veçanërisht në forumet ndër parlamentare. Kryetari Meta dhe ministri Hoxhaj kanë ndarë bindjen e përbashkët se forcimi i bashkëpunimit në mes të Shqipërisë dhe Kosovës i shërben stabilitetit dhe sigurisë së vendeve të tjera fqinje si dhe agjendës euroatlantike të tërë rajonit të Ballkan.

Kontrolloni gjithashtu

Gerald Knaus: Nëse Gjermania, Franca e BE-ja nuk zgjohen, do të ketë luftëra të reja në Ballkan dhe një dështim fatal të BE-së

Gerald Knaus: Gjermania e Franca do ta bllokojnë anëtarësimin e Kosovës në Këshillin e Evropës për shkak të Asociacionit

Gjermania dhe Franca janë dy prej shteteve që po përgatiten të bllokojnë anëtarësimin e Kosovës …