Në Carrallukë u përurua objekti i Shtëpisë së Kulturës

19/05/2017 Institucionet

Me një ceremoni, në fshatin Carrallukë të komunës së Malishevës, është përuruar Shtëpia e Kulturës. Kjo është bërë e mundur falë përshtatjes së objektit të ish shkollës dhe donacioneve. Në këtë ceremoni, kanë marrë pjesë, drejtoresha për Kulturë, Rini dhe Sport, Bleta Krasniqi dhe drejtori i Drejtorisë për Arsim dhe Edukim, Avdi Morina, si dhe donatori dhe humanisti Halim Hoti.

Me këtë rast, drejtoresha Krasniqi dhe drejtori Morina, i kanë uruar banorët e fshatit Carrallukë, për meremetim dhe përshtatjen e objektit, për nevojat e të rinjve të fshatit të tyre, me qëllim të zhvillimit të aktiviteteve kulturore dhe edukative.

Rregullimi i ish objektit të shkollës dhe shndërrimi i tij në sallë të kulturës, është mundësuar falë donacioneve nga humanisti Halim Hoti, i cili ka dhënë një donacion prej pesë mijë eurove dhe Komunës së Malishevës, e cila ka dhënë një donacion prej dy mijë eurove.

Kontrolloni gjithashtu

Skenderaj po bëhet gati për marshin protestues “Kosova po pret”

Kryetari i komunës së Skenderajt, z.Sami Lushtaku përmes një postimi të tij në facebook, ka …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara