Brickos

Rregullimi i hapësirave publike në Skenderaj drejt përfundimit

05/06/2017 Institucionet

Komuna e Skenderajt po investon dukshëm edhe në hapësirat publike pranë objekteve te banimit kolektiv. Përveç përfundimit të rregullimit të hapësirave publike në Lagjen 1, projekt ky që tashmë ka përfunduar, Komuna e Skenderajt është në përfundim të projektit tjetër të rregullimit të hapësirave publike në një lokacion tjetër të qytetit. Projekti i rregullimit të hapësirave publike pranë objektit Morava e Binqës po shkon drejt përfundimit. Qytetarët e Skenderajt që jetojnë në këtë pjesë të qytetit me përfundimin e këtij projekti do të përfitojnë hapësira të mjaftueshme për parkingje, hapësira gjelbëruese, ndriçim publik, rrjet të ri të kanalizimit atmosferik dhe fekal, si dhe stola për pushim. Nënkryetari i Komunës së Skenderajt Fadil Nura, me rastin e inspektimit të punimeve në këtë projekt, ka deklaruar se rregullimi i kësaj hapësire është projekt shumë i qëlluar pasi përfitojnë një numër i konsiderueshëm i banorëve që jetojnë në objektet e banimit kolektiv dhe në lagjen afër objektit Morava e Binqës. Ai ka deklaruar se këtë hapësirë që më parë ishte shëndrruar në grumbull mbeturinash dhe papastërtishë të ndryshme, Komuna e Skenderajt po e shëndrron në një hapësirë moderne për parkingje, për pushim, me oaza gjerbëruese dhe me ndriçim publik.

Kontrolloni gjithashtu

Fillojnë vizitat sistematike të nxënësve të klasave të para dhe pesta të shkollave të komunës së Rahovecit 

Fillojnë vizitat sistematike të nxënësve të klasave të para dhe pesta të shkollave të komunës …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara