Finalizohen punimet në ndërtimin e dy urave mbi lumin Nerodime

19/06/2017 Institucionet

Tashmë kanë hyrë në fazën finale, punimet në ndërtimin e dy urave mbi lumin Nerodime. Në takimin e mëngjesit të së hënës Kryetari i Komunës së Kaçanikut Besim Ilazi,  tha se këto ura do të shtojnë bukurinë në Bulevardin “Ismajl Raka”, i cili konsiderohet si një pjesë e bukur dhe mjaft e frekuentuar nga kalimtarë të shumtë. Kryetari Ilazi tha se përmes këtyre dy urave, do të lidhen dy shëtitoret pranë lumit Nerodime. Në takim po ashtu u bë e ditur se punimet janë duke vazhduar edhe në disa projekte kapitale në interes të rregullimit të mirëqenies qytetare. Është bërë punimi i mureve mbrojtëse në Bob dhe në rrugën “Jehona Raka” në Dushkajë si dhe punimet në rrugën “Tefik Raka” në Kaçanik dhe në rrugën e lagjes Kovaqi. Në takim ekzekutivi komunal raportoi për punët e ndryshme të drejtorive përkatëse të zhvilluara gjatë javës së kaluar dhe planprogramet për javën që sapo kemi hyrë.

Kontrolloni gjithashtu

Fillojnë vizitat sistematike të nxënësve të klasave të para dhe pesta të shkollave të komunës së Rahovecit 

Fillojnë vizitat sistematike të nxënësve të klasave të para dhe pesta të shkollave të komunës …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara