Fillojnë punimet në projektin “Asfaltimi i rrugicave në fshatin Nikaj dhe në rrugën nga magjistralja N2 deri në fshatin Nikaj”

02/10/2017 Institucionet

Javën që lamë pas, kanë filluar punimet në projektin “Asfaltimi i rrugicave në fshatin Nikaj dhe në rrugën nga magjistralja N2 deri në fshatin Nikaj”. Kjo u bë e ditur në mbledhjen e fillimjavës të ekzekutivit komunal, udhëhequr nga nënkryetari i Komunës së Kaçanikut Remzi Elezi.

Drejtori për Shërbime Publike dhe Emergjenca Ramadush Osmnai, tha se tashmë janë duke u implementuar dy projekte në fshatin Nikaj, projekti i asfaltimit të rrugicave në këtë fshat që është duke i financuar Komuna e Kaçanikut, kurse tjetri projekt, në rrugën nga magjistralja N2 deri në fshatin Nikaj, që është duke u financuar nga Ministria e Infrastrukturës. Drejtori Osmani njoftoi se është duke vazhduar implementimi i dhjetëra projekteve të tjera të infrastrukturës rrugore, si në rrugët “Liria”, “Rrahman Vogliqi” “ Brahim Vogliqi” dhe “Hetem Hasaj” në fshatin Gërlicë, në rrugën në lagjen Drashec në Kotlinë, në rrugën “Milaim Hysa” në Stagovë, ndërsa në kuadër të projektit “Ndërtimi i rrugëve Lokale” janë duke vazhduar punimet në rrugën “Kjani Bela”. Punimet janë duke u zhvilluar edhe në projektin e kanalizimit, ujësjellësit si dhe rregullimin e përroit në Bob etj. Të gjitha projektet janë duke vazhduar sipas dinamikës së paraparë.

Kontrolloni gjithashtu

Fillojnë vizitat sistematike të nxënësve të klasave të para dhe pesta të shkollave të komunës së Rahovecit 

Fillojnë vizitat sistematike të nxënësve të klasave të para dhe pesta të shkollave të komunës …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara