MINISTRI I INFRASTRUKTURËS PRITI NË NJË TAKIM PËRFAQËSUESIT E BORDIT DREJTUES TË AEROPORTIT NDËRKOMBËTARË “ADEM JASHARI”

13/10/2017 Institucionet

Ministri i Infrastrukturës, Pal Lekaj priti në takim përfaqësuesit e Bordit Drejtues të Aeroportit “Adem Jashari”. Drejtori i Bordit, Nihat Ozdemir e uroi për pozitën e re dhe e njoftoi detajisht me projektet te cilat po i realizon “Limak” në Turqi dhe Kosovë, me ato sipas modelit të Partneritetit Publiko Privat (PPP) dhe investime të tjera. U bisedua konkretisht për projektin e zgjatjes së pistës ne Aeroportin “Adem Jashari” për të cilin pritet bashkëpunim i dyanshëm. Ministri Lekaj në anën tjetër i falënderoi për vizitën, duke u shprehur se, “siç e dini, unë ka një muaj që kam pranuar pozitën e Ministrit të Infrastrukturës dhe jam munduar të njoftohem në detaje me fushëveprimin e aeroportit dhe obligimeve që kemi karshi kësaj ndërmarrje. Unë ju përgëzoi për punën dhe ngritjen e numrit të pasagjerëve e cila është mjaft inkurajuese, ndërsa sa i përket projektit për zgjatjen e pistës së aeroportit, jam i gatshëm të bashkëpunoj për këtë projekt por kërkojmë hapësirë kohore për të analizuar edhe një here formën e financimit, për shkak të shumës së madhe e cila është paraparë për t’u investuar për këtë pistë dhe pamundësisë për ta mbuluar në tërësi. Ndër të tjera ministri Lekaj dhe drejtuesit e kompanisë “Limak” diskutuan edhe për mundësinë e aktivizimit dhe investimit në aeroportin e Gjakovës për të cilin u dakorduan dy palët që shume shpejt të bëhet një studim fizibiliteti si dhe të gjinden format më të mira të investimit në të.

Kontrolloni gjithashtu

Kryetari Haliti uron besimtarët ortodoks me rastin e festës së Pashkëve

Kryetari i komunës së Vitisë Sokol Haliti ka uruar besimtarët ortodoks me rastin e festës …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara