Para se të debatohet në Këshillin e Përgjithshëm, kryetari i Vetëvendosjes, Visar Ymeri qëndrimet e tij i ka bërë publike në një emision të Adriatik Kelmendit, ndërsa ish sekretari i parë i Vetëvendosjes, Dardan Molliqaj qëndrimet e tij i ka debatuar me gazetarin, Baton Haxhiu. Këto rrjedha të padëshirueshme të dy krerëve ende të lartë të Vetëvendosjes kanë krijuar tension edhe më të thellë politik te anëtarësia e partisë edhe me faktin se Ymeri dhe Molliqaj kanë shfrytëzuar rastin të rrëfehen e të pozicionohen, pikërisht në kohën kur lideri historik i Vetëvendosjes, Albin Kurti ndodhet në burg. Këto veprime mund të çojnë në një shkizmë të pashmangshme, në Vetëvendosje, nëse Albin Kurti dhe shumica e cila e mbështet, nuk marrin masa urgjente për ta ruajtur elektoratin, si gjithnjë rreth një autoriteti, rreth një kulti, sepse në mendësinë tonë tradicionale dhe aktuale politike ka pasur dhe ka sukses vetë Kultit i individit. Pikërisht mbi këtë kult u ngrit edhe PDK-ja rreth Hashim Thaçit për t’u përgjysmuar pas largimit të tij nga partia. Kjo në njëfarë mënyre po ndodhi edhe ne zgjedhjet e fundit të Vetëvendosjes.
Kontrolloni gjithashtu
Ali Ahmeti flet nga Shipkovica: Është koha të përcaktohemi me platformë, më 8 maj rrethojmë numrin 4
Kryetari i BDI-ë, Ali Ahmeti në kuadër të takimeve me qytetarë në fushatën parazgjedhore për …