Kuvendi i Komunës së Klinës themeloi Komitetet Obligative dhe KKSB-në

31/01/2018 Institucionet

Në seancën e parë të rregullt të kuvendit komunal të Klinës, të cilën e udhëhoqi, kryesuesi i Kuvendit, Fadil Gashi, ku morën pjesë edhe kryetari i Komunës, Zenun Elezaj dhe nënkryetari, Besim Hoti, Kuvendi i Komunës së Klinës, ka themeluar Komitetet Obligative dhe ka miratuar vendimin për themelimin e Këshillit Komunal të Sigurisë në Bashkësi. Fillimisht, kanë dhënë betimin dy anëtare të ri të Kuvendit, Xhevxhet Berisha (LVV) dhe Brahim Mehmataj ( Nisma), të cilët kanë zëvendësuar Skënder Merturin dhe Naser Morinën, të emëruar drejtorë të ekzekutivit. Shefat e Grupeve Kuvendare, të cilët janë votuar nga Kuvendi janë: Enver Berisha -PDK, Violeta Zefi – LDK, Petrit Palushi-AAK dhe Saranda Elezi-LVV. Kuvendi miratoi edhe përbërjen e KKSB-së, kryesues i të cilit me ligj është e përcaktuar të jetë Kryetari i Komunës, por me marrëveshje këtë Këshill do ta udhëheqë nënkryetari i Komunës së Klinës, Besim Hoti, ndërsa anëtarët tjerë vijnë nga mekanizma të ndryshëm që kanë të bëjnë me sigurinë. Kuvendi i Komunës së Klinës, ka zgjedhur edhe anëtarët e Komitetit për Politikë e Financa dhe Komitetit për Komunitete. Kuvendi ka miratuar edhe emrat e anëtarëve të Komitetit për Komunitete, i cili përbëhet nga tre anëtare të Kuvendit dhe katër të tjerë që përfaqësojnë grupet etnike që jetojnë në Komunën e Klinës. Është marrë vendim për shpalljen e konkursit për zgjedhjen e anëtarëve të Komiteteve Konsultative, atij për çështje Emergjente dhe Komitetin për Bujqësi, Zhvillim Rural dhe Mbrojtje të Mjedisit.

Kontrolloni gjithashtu

Skenderaj po bëhet gati për marshin protestues “Kosova po pret”

Kryetari i komunës së Skenderajt, z.Sami Lushtaku përmes një postimi të tij në facebook, ka …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara