Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Punës dhe Mirëqenies Sociale, Skender Reçica ka njoftuar se ministria që ai drejton dhe me mbështetjen e UNDP-së ka shpallur të hapur Programin e Subvencionimit në Pagë. Ministria e Punës dhe Mirëqenies Sociale me mbështetjen teknike të UNDP-së, shpall të hapur Programin e Subvencionimit në Pagë, duke filluar prej datës 16 mars 2018. Ky Program do t’u ofrojë punësim njëvjeçar 120 të papunëve afatgjatë, të regjistruar në Zyrat e Punësimit, në të gjitha Komunat e Kosovës. Me këtë rast, ftojmë kompanitë e sektorit privat të aplikojnë në Zyrat e Punësimit në komunat përkatëse, që të përfitojnë subvencionim prej 50 për qind të pagës mujore, për çdo person të papunë që punësojnë për periudhën njëvjeçare. Afati i fundit për aplikim nga punëdhënësit dhe punëmarrësit është data 6 prill 2018 deri në orën 16:00”, thuhet tutje në njoftimin e ministrit, Skender Reçica.
