Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shefi i Grupit Parlamentar i Lidhjes Demokratike të Kosovës, Avdullah Hoti kërkoi nga Qeveria që ta dërgoj sa më parë në Kuvend platformën për dialog me Serbinë. Gjatë konferencës për medie, ai tha se Qeveria po i qaset dialogut me një ekip të ri dhe krejtësisht pa përvojë në këtë çështje. “Jemi duke parë javët e fundit që Bashkësia Ndërkombëtare dhe Serbia janë duke u bërë gati për përgatitjet e fazës finale për dialogun me Serbinë. Ndërkaq në Prishtinë, qeveria është krejtësisht jashtë zhvillimeve, nuk është fare e fokusuar në këtë temë të rëndësishme. Gjatë dialogut kemi parë përfshirje të paautorizuar të presidentit në dialog. Ne i bëjmë thirrje Qeverisë së Kosovës që sa më parë të sjell në Kuvend platformën për dialog me Serbinë si dhe kërkojmë transparencë të plotë gjatë këtij procesi, theksoi shefi i Grupit Parlamentar i Lidhjes Demokratike të Kosovës, Avdullah Hoti.
