Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Qendra Klinike Universitare e Kosovës njofton se ka kryer dy operacione tejet të vështira që më parë nuk janë kryer në këtë qendër. Rasti i parë ka të bëjë me operimin e pacientes me probleme të lindura të zemrës, njëkohësisht i bëhet edhe bypas, i njohur si operimi (ASD+CABG ), te pacientja A.V. e lindur në vitin 1979 nëTherandë. Ekipi mjekësor është përbërë nga Prof. Dr. Adem Grbolar, Ass. Dr. Arber Kutllovci, Dr. Shpejtim Shurdhiqi dhe Dr. Ramë Alaj, të ndihmuar nga anesteziologët Dr. Shkelzen Muriqi, Dr. Doruntina Bunjaku. Ekipi mjekësor u mbështetet nga infermierët e anestezionit, instrumentaret dhe perfuzionistët e Kardiokirurgjisë. Rasti i dytë ka të bëjë me operimin urgjent të pacientit me infarkt akut masiv të zemrës, tek pacienti 50 vjeçar, pasi që nuk ishte i mundur rekanalizimi (hapja enës së mbyllur) me metoda të kardiologjisë invazive. Pacienti që përjetoi arrest kardiak (vdekje klinike), transferohet në sallë të kardiokirurgjisë ku realizohet CABG (bypass). Operimi u realizua nga ekipi mjekësor: Ass. Dr. Rifat Brahimaj, Ass. Dr. Arbër Kutllovci, Dr. Shpejtim Shurdhiqi, Dr. Endrit Shalan, Dr. Dafina Matoshi, Dr. Doruntina Bunjaku, Dr. Suzana Vllasaliu dhe ekipi i perfusionistëve; Bernard Berisha, Genc Tasholli, Teuta Bajramaj, instrumentare, Trina Mustafa.
