Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
AAK ka mbajtur një konferencë për medie, gjatë të cilës ka folur për ngjarjet që shënuan vitin që po lëmë pas. Duke komentuar mbi mundësinë e mbajtjes së zgjedhjeve të reja, nënkryetari i kësaj partie, Ardian Gjini ka thënë se nuk përjashtohet që partitë opozitare të shkojnë me një listë të përbashkët. “Ekziston mundësia se në rast se mbahen zgjedhjet, opozita të shkojë me platformë të përbashkët edhe pse është ende herët”, ka thënë ai. Duke përmendur me radhë dështimet e Qeverisë, si mos-krijimi i ushtrisë, kodi telefonik, mos-anëtarësimi në UNESCO, Gjini ka vlerësuar se nuk ka mbetur asgjë tjetër pos shkarkimit të Qeverisë Mustafa në fillim të vitit të ardhshëm. Ndërkaq, nënkryetari tjetër i AAK-së, Ahmet Isufi ka thënë se opozita do të vazhdojë e bashkuar të kundërshtojë të këqijat që po e kanosin vendin.
