Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Shteteve të Bashkuara të Amerikës, Donald Trump ka kërcënuar se do të fillojë sulmet ajrore kundër regjimit të kriminelit, Bashar al Assad në Siri, pas hedhjes së lëndëve kimike mbi popullsinë civile, ku u vranë edhe fëmijë. Trump thotë se raketat janë gati dhe i drejton një paralajmërim Rusisë. Kjo e fundit, disa orë më parë u zotua se do të rrëzojë çdo raketë që do të godasë regjimin e Assad. “Rusia zotohet se do të rrëzojë të gjitha raketat që do të lëshohen drejt Sirisë. Përgatitu Rusi, sepse ato do të vijnë, bukur dhe të reja dhe “të zgjuara”. Ju nuk duhet të jeni partnerë me një “mizor të gazit vrasës” që vret popullin e tij dhe argëtohet”, thotë Presidenti amerikan. Rusia, e cila mbron regjimin vrastar të Assad, premtoi se do të shkatërrojë çdo raketë që do të niset drejt forcave qeveritare. Amerika, Franca dhe Britania e Madhe vazhdojnë të diskutojnë për të sulmuar Sirinë dhe për të ndëshkuar vrastarin Assad, pas sulmit kimik të së shtunën, ku mbetën të vrarë 43 persona.
