Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Kosovës, Hashim Thaçi ka thënë se politika e Kosovës përcillet me thashetheme e më pak debate e argumente se ku jemi si shoqëri e si shtet. Ai është shprehur se ditët dhe muajt e ardhshme do të jenë vendimtare për të ardhmen e Kosovës. Kosova është storie e suksesit, por vitet e fundit ai ka thënë se institucionet e Kosovës kanë funksionuar me brishtësi. Ai ka përmendur edhe zhvillimet në Kuvendin e Kosovës duke aluduar në hedhjen e gazit lotsjellës, që sipas tij kanë dëmtuar imazhin e Kosovës. Thaçi në konferencën “Dekada e ardhshme e Kosovës: Avancimi i Reformimit, Bashkëpunimi Rajonal dhe Integrimi në BE”, është shprehur se Kosovës i mungon një planë strategjik për 10 vjetorin e ardhshëm. Sipas tij, pavarësisht se kush është në qeverisje të vendit duhet të ketë një agjendë të përbashkët për reformat, bashkëpunimin rajonal dhe integrimin në BE. Kryetari ka komentuar edhe platformën e dialogut dhe atë të kryetarit të PDK-së, Kadri Vesli, që sipas tij janë të mirëseardhura. “Një marrëveshje obligative është e nevojshme dhe domosdoshme për Kosovën dhe Serbinë. BE nuk e do as Kosovën e as Serbinë pa i mbyllur çështjet mes vete” ka thënë Thaçi. Ai ka folur edhe për pajtimin mes dy vendeve, që sipas tij është i vështirë për Kosovën, por është rruga e vetme.
