Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Bashkimi Evropian i kërkon Qeverisë së Kosovës, që urgjentisht dhe pa asnjë vonesë të zbatojë marrëveshjen për themelimin e Asociacionit të komunave me shumicë serbe, në Kosovë. Zëdhënësja, Maja Kocijançiq e cilësoi si pozitiv faktin që ka nisur puna në hartimin e statutit të Asociacionit dhe tha se autoritetet kosovare kanë afat katër muaj, që të zbatojnë plotësisht këtë marrëveshje. Është e nevojshme të zbatohet kjo marrëveshje, ashtu si edhe të gjitha të tjerat, tha ajo. Marrëveshja për Asociacionin është arritur në gusht të vitit 2015 dhe Prishtina ka nisur hartimin e statutit vetëm pak kohë më parë. Zëvendës-kryeministri i Kosovës, Enver Hoxhaj ka deklaruar të mërkurën për Radion Evropa e Lirë se themelimi i Asociacionit duhet të ndodhë paralelisht me anëtarësimin e Kosovës në Organizatën e Kombeve të Bashkuara.
