Kryetari Jashari së bashku me Humanistin Kastrati dhuruan çelësin e banesës familjes Nebihu nga Qirezi dhe familjes Kajtazaj nga fshati Tërnov

11/06/2018 Institucionet

Kryetari i Skenderajt, Bekim Jashari së bashku me Halili Kastrati nga Shoqata Bamirëse “Jetimat e Ballkanit” gëzuan familjen nga fshati Qirez duke i dhuruar një banesë të re, Valoni dhe Valentina vëlla dhe motër, dy jetima të cilëve babai dhe nëna iu ishte vrarë gjatë luftës së fundit. Ata u bënë me banesë të re, një surprizë dhe gëzim i papërshkrueshëm për ta. Po ashtu gjatë kësaj dite të muajit të shenjtë të Ramazanit, dhuruan edhe çelësin e shtëpisë familjes së Bedri Kajtazaj nga fshati Tërnovë, të cilit disa muaj më parë iu ishte djegur shtëpia. Në këtë ditë u shpërndanë edhe 60 pako ushqimore për nevojtarët në Skenderaj nga kjo shoqatë. Gjithashtu humanisti Halil Kastrati e njoftoi Kryetarin Jashari, se ditëve në vijim do të fillojë edhe ndërtimi i 3-shtëpive në Skenderaj. Kryetari Jashari pasi falënderoi shoqatën “Jetimat e Ballkanit” për ndihmën që ju bënë familjeve nevojtare në Skenderaj, dhuroi edhe një mirënohje dhe një dhuratë simbolike, si shenjë falënderimi për kontributin e dhënë në përmirësimin e gjendjes sociale të popullatës së Skenderajt.

Kontrolloni gjithashtu

Kryetari Smajl Latifi ofron mbështetje për gratë në sektorin e bujqësisë, në punët artizanale në politikë e vendimmarrje

Kryetari i komunës së Rahovecit, z. Smajl Latifi ka takuar gra nga pjesë të ndryshme …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara