Zëvendësministri Makolli vizitoi Shtëpinë e Pleqve me rastin e festës së Bajramit të Madh

16/06/2018 Institucionet

Zëvendësministri i Punës dhe Mirëqenies Sociale, Vesel Makolli, me rastin e festës së Bajramit të Madh vizitoi Shtëpinë e Pleqve në Prishtinë. Në fjalën e tij përshëndetëse zëvendësministri Makolli, tha se t’i respektosh dhe t’i ndihmosh njerëzit e “moshës së tretë”, është e barasvlershme me respektimin dhe nderimin e Perëndisë. “Që nesër dikush të përkujdeset për neve, duhet ne sot të përkujdesemi për këta banues të kësaj shtëpie. Është kënaqësi kur njeriu e përjeton jetën, sepse jo të gjithë e përjetojnë moshën e tretë”, tha ai. Makolli shtoi se edhe pse ky institucion ndihmohet dhe është nën menaxhimin e MPMS-së dhe ka linjën buxhetore, përsëri ka nevojë të ndihmohet, “prandaj përkujdesja për këtë kategori është edhe respekt për Zotin”. Në Shtëpinë e Pleqve, së bashku me zëvendësministrin Makolli, sot ishin edhe përfaqësues të kompanisë IPKO, të cilët me rastin e festës sollën ëmbëlsira për rezidentët dhe shfaqën një program modest me këngë qytetare,  përgatitur nga bendi i kompanisë. Në emër të kompanisë IPKO, Bardha Dida Rugova, tha se në këtë ditë kemi dashur që t’u gjendemi pranë rezidentëve të këtij institucioni dhe se gjeneratat e reja përveç mirënjohjes për të moshuarit e kanë obligim t’i nderojnë dhe kujdesen për ta. Znj, Rugova premtoi se aktivitete të tilla do të vazhdojnë edhe në të ardhmen.

Kontrolloni gjithashtu

Fillojnë vizitat sistematike të nxënësve të klasave të para dhe pesta të shkollave të komunës së Rahovecit 

Fillojnë vizitat sistematike të nxënësve të klasave të para dhe pesta të shkollave të komunës …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara