Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetët e shumicës në Komisionin e Legjislacionit nuk e kanë përkrahur në parim Projektligjin për shqyrtimin dhe vërtetimin e pasurisë së pajustifikueshme, të propozuar nga Lëvizja Vetëvendosje, sepse konsiderojnë se me këtë ligj përmbyset sistemi i drejtësisë dhe e kthen vendin në mesjetë. Projektligji mori katër vota për, pesë kundër dhe një abstenim. Ani pse nuk u miratua, kjo nismë e VV-së i shkon seancës për shqyrtim në lexim të parë, pa përkrahjen e Komisionit për Legjislacion. Deputeti i LDK-së, Arben Gashi e ka quajtur të rrezikshme iniciativën e Lëvizjes Vetëvendosje, për shqyrtimin vërtetimin e pasurisë së pa ligjshme, meqë sipas kjo po e përmbyska sistemin e drejtësisë, qysh në të Drejtën Romake, kur janë vendosur bazat e drejtësisë. Edhe deputeti i Nismës Socialdemokrate, Bilall Sherifi, ka kundërshtuar këtë nismë, duke thënë se kjo e kthen vendin në mesjetë dhe mjet për pushtetarët që t’i godasin gjithmonë ata që nuk janë në pushtet. Ndërsa, deputeti i PDK-së, Hajdar Beqa, i ka vlerësuar kundër kushtetuese disa nene të projektligjit të propozuar nga Lëvizja Vetëvendosje. Deputeti i AAK-së, Shkumbin Demaliaj, ka marrë disa shembuj të cilët sipas tij do të reflektonin keq nëse ky projektligj miratohet dhe hyn në fuqi.
