Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Për shkak se Serbia nuk e zbaton marrëveshjen për energjinë, Kosova vazhdon të tërheqë energji në mënyrë të paautorizuar nga rrjeti i Sistemit Energjetik të Evropës Kontinentale. Kjo, për t’i mbuluar humbjet e energjisë së paarkëtuar në komunat veriore të vendit. Sipas Operatorit të Sistemit, Transmisionit dhe Tregut të Energjisë, që nga data 1 prill e deri më tani nga sistemi interkonjektiv i Evropës janë tërhequr në këtë formë 33 gigavatë energji. Para muajit dhjetor të vitit të kaluar energjia e papaguar në veri kompensohej përmes faturave të qytetarëve në pjesët e tjera të vendit. Kjo praktikë ishte ndërprerë pasi që Avokati i Popullit kishte konstatuar se kjo përbënte shkelje të të drejtave të qytetarëve të Kosovës. Ky institucion kishte gjetur se rreth 5.24 për qind e kërkesës për energji apo rreth 8 milionë euro ishin shpenzuar nga komunat në veri të Kosovës kryesisht të banuara me shumicë serbe, ndërsa shpenzimet e kësaj energjie i ishin faturuar pjesës tjetër të qytetarëve të Kosovës.
