Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Aleanca për Ardhmërinë e Kosovës i sugjeron Qeverisë së Kosovës të vendosë masën e reciprocitetit në gjitha fushat ndaj Serbisë. Në partinë e Ramush Haradinajt, thonë se vendimi për reciprocitet për targa ndaj automjeteve serbe është i mirëseardhur, por nuk është dashur të merret në periudhën e zgjedhjeve lokale. Sipas tyre, ky vendim mund të jetë marrë qëllimshëm edhe për të stopuar procesin e dialogut Kosovë-Serbi. Nënkryetarja e AAK-së, Time Kadrijaj shprehet e shqetësuar me situatën e tensionuar në veri të vendit, derisa thotë për KosovaPress, se me anë të vendimit për reciprocitetin për targat i është bërë e padrejtë shqiptarëve të Preshevës dhe Bujanovcit, pasi po ndëshkohen në dy drejtimet. Kadrijaj e cila është edhe deputete e AAK-së në Kuvendin e Kosovës thotë, se vendimi për reciprocitet ka prapavijë edhe elektorale, derisa ngre dyshime se mund të jetë i qëllimshëm për ta stopuar procesin e dialogut./kp/
