AFK pajisë shkollën në Vërmicë të Malishevës me kabinet të biologjisë

01/11/2019 Institucionet

Agjencioni për Financim në Kosovë (AFK), i ka dhuruar shkollës në Vërmicë të Komunës së Malishevës, pajisje për kabinetin e biologjisë. Në dhurimin e donacionit nga ana e AFK-së, përkatësisht nga përfaqësuesi i tyre, Avdullah Bytyçi, ishte i pranishëm edhe drejtori i Drejtorisë për Arsim dhe Edukim në Malishevë, Blerim Thaçi, i cili i ka falënderuar për këtë donacion të radhës, me rëndësi të madhe. “AFK në vazhdimësi i përkrahë institucionet shkollore në komunën tonë, dhe ky donacion është në vazhdën e kësaj përkrahje të vazhdueshme. Këto pajisje të dhuruara sot, kanë rëndësi të madhe për zhvillimin e orës së biologjisë, pasi edhe nxënësit do ta kenë më të lehtë ta kuptojnë lëndën. Në emër të Drejtorisë për Arsim dhe Edukim, e falënderoj Agjencionin për Financim në Kosovë, për këtë përkrahje të vazhdueshme”, tha drejtori i DAE-së në Malishevë, Blerim Thaçi. Përfaqësuesi i AFK-së në Malishevë, Avdullah Bytyçi, pasi e dorëzoi donacionin, tha se “jemi të kënaqur që kemi mundësi ti përkrahim institucionet shkollore, pasi përkrahja në fushën e arsimit është me rëndësi për ne dhe këto përkrahje do të jenë të vazhdueshme”. Edhe ushtruesi i drejtorit të shkollës në Vërmicë, Tahir Gashi, e ka falënderuar AFK-në për këtë donacion shumë domethënës për shkollën e tyre, pasi nxënësit tani, përveç mësimit teorik, do të kenë mundësi që edhe në praktikë ta mësojnë lëndën. AFK, për shkollën në Vërmicë, ka dhënë mjete për kabinetin e biologjisë, ku përfshihen mikroskop dhe komplet pjesët e trupit të njeriut.

Kontrolloni gjithashtu

Kryetari Haliti i nderon me mirënjohje të pensionuarit Agush Hasani dhe Samet Zuka

Kryetari i komunës së Vitisë, Sokol Haliti, së bashku me drejtoreshën e Arsimit në Viti, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara