Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Agresioni rus në Ukrainë, që ka filluar tash e mbi dy muaj, pritet të përshpejtojë arritjen e marrëveshjes finale mes Kosovës dhe Serbisë, thonë njohësit e çështjeve politike në vend. Sipas tyre, bota perëndimore e ka kthyer vëmendjen nga Ballkani Perëndimor për shkak të rrezikut që i kanoset nga Rusia, ndaj thonë se edhe Qeveria e Kosovës duhet të marrë më seriozisht çështjen e dialogut. Më 4 maj kancelari gjerman, Olaf Scholz, do të pres në Berlin, në takime të ndara, kryeministrin e Kosovës, Albin Kurti dhe kryetarin e Serbisë, Aleksandar Vuçiq. Po atë ditë, në Berlin me kryeministrin Kurti dhe presidentin Vuçiq do të zhvillojë bisedime edhe i dërguari i posaçëm të Bashkimit Evropian për dialogun Kosovë-Serbi, Miroslav Lajçak. Ditë më parë Senatori demokrat amerikan, Chris Murphy, e ka përshkruar udhëtimin e tij në Prishtinë me dy detyra kryesore që kishin, vizitë civilëve afganë, në Bondstil dhe dërgimin e mesazhit të fuqishëm qeverisë së re të Albin Kurtit për rifillim të dialogut me Serbinë. Ai që në fillim qeverinë e Kurti e quan kokëfortë sa i përket negociatave me Serbinë. Një dialog drejt këtij qëllimi është në proces, por si qeveria serbe ashtu edhe ajo e Kosovës nuk kanë bërë përparim të mjaftueshëm dhe së fundmi, qeveria e Kurtit ka qenë veçanërisht kokëfortë rreth vazhdimit të bisedimeve”, ka thënë senatori Murphy.
