Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Prishtinës, Shpend Ahmeti, ka folur sot lidhur me përplasjen e djeshme të Albulena Haxhiut, duke sqaruar se lëndimi i saj në kokë u kap nga kamerat dje në hollin e Kuvendit. “Për ta arsyetuar këtë veprim të ligë, pushteti ka vënë në funksion të gjitha mjetet agjituese propaganduese dhe policore për ta karakterizuar Albulenën si super terroriste. Gjatë kontrollit mjekësor në QKUK, 20 policë i qëndronin mbi kokë mjekëve kundër çfarëdo standardi njerëzor. Edhe sot në neurokirurgji, dhjetëra policë nuk lënë as familjen ta sheh”, ka shkruar Ahmeti. “Por më e ulëta prej të gjithave janë raportimet e disa medieve që mua më vjen turp t’i përmendi. Në ato storie është publikuar një rentgen i rrejshëm. Këto raportime kanë tejkaluar çdo kufi të njerëzores, normales e çfarëdo vlere tjetër që tentojmë të ndërtojmë si shoqëri. Folni! Mos heshtni! Qytetarë e analistë! Neutralë e të anshëm. Asociacione të gazetarëve, KLMDNJ e shoqata të tjera. Flisni, se nesër bëhet vonë”, ka thënë Ahmeti.
