Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Edhe pse ende nuk janë bërë të ditura zyrtarisht detajet e vizitës së kryeministrit Albin Kurti në Turqi, ai pritet të takohet me kryetarin e këtij shteti, Rexhep Tajip Erdogan, i cili në vazhdimësi ka shprehur respekt, mbështetje e ndihmë për Kosovën. Është paksa paradoksale dhe ndoshta koincidencë, por ditë më parë, ministri i Jashtëm i Serbisë, Ivica Daçiq, ka thënë se Erdogan ka premtuar se Ankaraja do t’i kërkojë Kosovës respektimin e marrëveshjeve të nënshkruara deri më tani. Ai tha se nuk është e pritshme që Turqia ta ndryshojë qëndrimin e saj për Kosovën, por është e rëndësishme që Serbia ta ruajë paqen e të mos ketë incidente. Turqia është ndër vendet e para që e ka njohur pavarësinë e Kosovës dhe që ka lobuar te shtetet islamike në dobi të vendit tonë. Po ashtu është vendi i tretë me shumën që ka investuar në Kosovë, pas Shteteve të Bashkuara të Amerikës dhe Gjermanisë.
