Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Aksionin e bashkërenduar të Prokurorisë, Policisë në bashkëpunim me organet përkatëse në Shqipëri dhe në Itali po mundohet ta përvetësojë ministri i Brendshëm, Xh. Sveçla, i cili ka shkruar “pas 14 shkurtit, Republika e Kosovës nuk do të jetë më strehë e kriminelëve, duke lënë të kuptohet se ish qeveritë e Kosovës për më shumë se 22 vite paskan qenë strehë për kriminelët dhe tani që ai është ministër, do të prish këto “çerdhe”. Ky ministër i njohur për prepotencë dhe arrogancë, ka paraqitur një pasuri milionëshe në deklarimin e pasurisë, ndërsa kolegët e tij ministra përditë po enden nëpër organet e drejtësisë për abuzim dhe keqpërdorim të detyrave zyrtare e vepra të tjera penale. Edhe Ministrja e Drejtësisë, Albulenë Haxhiu, e cila aktualisht ndodhet para organeve të drejtësisë e akuzuar për vepër penale, të konsumuar para pesë viteve, ka deklaruar se e ka autorizuar këtë çështje penale, sipas kompetencave që i jep me ligj për bashkëpunim juridik ndërkombëtar. Megjithatë ajo ka falënderuar autoritetet italiane për identifikimin e kësaj sasie të drogës, ditë më parë në Lypjan. (RKL)
