Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Lëvizjes Vetëvendosje, Albulena Haxhiu, është zgjedhur Kryetare e Kuvendit të Republikës së Kosovës, pas propozimit të bërë nga shefi i grupit parlamentar të LVV-së, Glauk Konjufca. Në seancën konstituive të Kuvendit, kandidatura e Haxhiut mori mbështetjen e shumicës së deputetëve. Nga votimi i përgjithshëm, 66 deputetë votuan pro, 44 votuan kundër, ndërsa 8 deputetë abstenuan, duke i siguruar asaj numrat e nevojshëm për të marrë drejtimin e institucionit më të lartë legjislativ në vend. Me këtë votim, Albulena Haxhiu merr zyrtarisht detyrën e Kryetares së Kuvendit, duke pasuar udhëheqjen e legjislaturës së re dhe duke marrë përgjegjësinë për drejtimin e punimeve parlamentare, koordinimin mes grupeve politike dhe garantimin e funksionimit demokratik të Kuvendit.
