Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri ukrainas i Mbrojtjes, Aleksej Reznikov deklaroi se nëse aleatët e tyre i japin Ukrainës raketa me rreze të gjatë veprimi, ata nuk do të sulmojnë me këto armë territorin e Rusisë, transmeton Anadolu. Në Takimin e Komisionit Ukrainë-Bashkimi Evropian të mbajtur në Kiev, Reznikov vlerësoi ndihmën e armëve nga aleatët për ushtrinë e Ukrainës. Në fjalimin e tij në mbledhjen ku morën pjesë presidenti ukrainas, Vladimir Zelenskyy dhe kryetarja e Komisionit Evropian Ursula von der Leyen, ministri Reznikov tha se Ukraina ka nevojë për raketa me rreze të gjatë veprimi. Shpresojmë që këtë vit do të hapim dritaren e një mundësie për të filluar kundërsulm dhe për të përfunduar këtë luftë me një fitore për Ukrainën dhe të gjithë botën e lirë, tha Reznikov duke shtuar se ka nevojë për më shumë armë për kryerjen e një kundërsulmi ndaj ushtrisë ruse. Ai akuzoi ushtrinë ruse për sulmet ndaj infrastrukturës civile në Ukrainë. “Ardhja në kohën më të shpejtë e sistemeve të mbrojtjes ajrore që do të dërgohen nga aleatët për vendin është shumë e rëndësishme në aspektin për parandalimin e sulmeve”, tha ministri ukrainas.
