Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadori gjerman në Serbi, Thomas Schieb, ka deklaruar se po bëhet çdo gjë që të ripërtërihet dialogu ndërmjet Serbisë e Kosovës dhe për këtë arsye është me rëndësi që të mos ngrihen tensione, përkatësisht që të dy vendet të jenë konstruktive. “Bashkimi Evropian, shefi ynë i diplomacisë dhe Qeveria jonë kërkojnë tërheqjen e taksës dhe shpresojmë se progresi do të arrihet shpejt. Jemi optimistë se ripërtëritja e dialogut është mundshme”, ka thënë Schieb. Sipas tij, nuk ka afate të BE-së se kur pritet të arrihet marrëveshja ndërmjet Serbisë e Kosovës. Ambasadori gjerman ka theksuar se vendi i tij është i shqetësuar se situata në veri të Kosovës mund të përshkallëzoj dhe se më e rëndësishmja është që situata të vihet nën kontroll. “Me rëndësi është që të hapen dhe të funksionojnë kanalet e komunikimit”, ka thënë ai. Lidhur me aksionin në veri, Schieb ka theksuar se ai ka qenë i planifikuar gjatë dhe i drejtuar kundër krimit të organizuar.
