Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Anëtari i Partisë Socialdemokrate, Frashër Krasniqi, ka kritikuar kryeministrin Albin Kurti për mungesë të arritjeve gjatë mandatit të tij. Qeveria e Kurtit ka dështuar në përmbushjen e premtimeve të saj, përfshirë ndërtimin e mbi 100 çerdheve për fëmijë dhe shtimin e 400 inspektorëve të punës për përmirësimin e kushteve në sektorin privat. Krejt çka ka bërë për banesat për çiftet, është kalimi i një projektligji. Për 2 mijë çifte të reja s’ka arritur t’i rehatojë me banesa të reja për katër vjet, tha Krasniqi. Ai akuzoi gjithashtu kryeministrin Kurti për përdorimin e situatës në veri të Kosovës për të kamufluar dështimet në përmirësimin e jetës së qytetarëve dhe luftimin e korrupsionit në qeveri. Qeveria Kurti e ka kuptuar se nuk i duhet të bëjë as banesa e as ta ndalë korrupsionin, por krejt çka i duhet është që të bëjë filma në veri, tha Frashër Krasniqi.
