Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sekretari i Përgjithshëm i Kombeve të Bashkuara, Antonio Guterres ka bërë thirrje që popullit palistinez t’i njihet e drejta për ta pasur shtetin e tyre. Gjatë një takimi me udhëheqësit e shteteve që kanë qenë neutrale gjatë Luftës së Ftohtë, ai ka theksuar se e drejta e popullit palestinez për të ndërtuar shtetin e tyre, duhet të njihet prej të gjithëve. “E drejta e popullit palestinez për të ndërtuar shtetin e tyre, duhet të njihet prej të gjithëve”, ka thënë Guterres të shtunën në Kampala, në një takim me kombet që kanë qenë neutrale gjatë Luftës së Ftohtë. “Refuzimi për të pranuar zgjidhjen me dy shtete për izraelitët dhe palestinezët, dhe mohimi i të drejtës së shtetësisë së popullit palestinez, janë të papranueshme” ka theksuar Sekretari i Përgjithshëm i Kombeve të Bashkuara, Antonio Guterres. Ai ka shtuar më tutje se , mohimi i zgjidhjes me dy shtete po zgjat konfliktin, që është kthyer në kërcënim global për paqen dhe sigurinë, dhe po kontribuon në polarizim dhe forcim të ekstremizmit në çdo vend.
