Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Shëndetësisë, Arben Vitia, ka reaguar në Kuvend lidhur me raportimet se një paciente kishte vdekur në Klinikën e Onkologjisë për shkak të mungesës së barnave. Ai u shprehu ngushëllime familjarëve të së ndjerës, por kritikoi publikimin e lajmit pa verifikim paraprak. Sipas Vitisë, pas publikimit të pretendimit nga një shoqatë, Klinika e Onkologjisë kishte tentuar të kontaktonte përfaqësuesit e saj, ndërsa një gazetare e kishte raportuar rastin pa e verifikuar informacionin me shoqatën apo institucionet përkatëse. “Për shkakun e vdekjes nevojitet autopsia dhe shumë procedura të tjera për të qenë i qartë. Nuk mundet as mjeku ta konstatojë shkakun e vdekjes në raste të tilla”, deklaroi Vitia. Ai shtoi se drejtori i Klinikës së Onkologjisë kishte mbledhur informacionet dhe kishte publikuar një reagim për të sqaruar rastin, duke kritikuar faktin se, sipas tij, gazetarja dhe mediumi që e kishin raportuar fillimisht lajmin nuk e publikuan reagimin institucional.
