Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i PDK-së, Artan Behrami, ka ngritur akuza të forta ndaj gjykatës speciale në Hagë, duke vlerësuar se kjo gjykatë ka dalë jashtë mandatit të dhënë nga Kuvendi i Kosovës. Sipas tij, përgjigjja e fundit nga kryetarja Ekaterina Trendafilova ka qenë “mospërfillëse dhe pa përmbajtje”, pavarësisht shqetësimeve të ngritura nga Kuvendi për trajtimin e ish-krerëve të UÇK-së që po mbahen në Hagë. Behrami theksoi se kjo qasje cenon jo vetëm të drejtat e të akuzuarve, por edhe vetë autoritetin e Kuvendit që e ka themeluar këtë mekanizëm. Ai kërkoi që Kuvendi të mos heshtë dhe të ndërmarrë hapa konkretë, përfshirë thirrjen urgjente për raportim të Trendafilovës, si dhe rishikimin e raporteve me EULEX. Në të njëjtën kohë, ai përshëndeti deklarimin e Glauk Konjufca në Këshilli i Sigurimit i OKB-së, duke e cilësuar si një qëndrim dinjitoz në mbrojtje të rolit të Kuvendit dhe kërkesës për llogaridhënie nga kjo gjykatë.
