Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Opinionisti dhe gazetari, Artan Behrami, ka reaguar me shqetësim ndaj sulmit të Qeverisë së Kosovës ndaj kandidatit shqiptar për kryetar të Maqedonisë së Veriut, Bujar Osmanit. Behrami ka kërkuar një reagim urgjent nga Presidentja e Kosovës, Vjosa Osmani, duke e cilësuar sulmin si të papranueshëm dhe si një ndërhyrje flagrante në zgjedhjet e Maqedonisë së Veriut. Në reagimin e tij, Behrami ka shprehur shqetësimin për përndjekjen e Lëvizjes Vetëvendosje kundër partive pro-amerikane në Maqedoni, duke e akuzuar Qeverinë e Kosovës për të qenë pjesë e fushatës denigruese kundër tyre. Ai ka mbrojtur rolin dhe punën e Osmanit si udhëheqës i OSBE-së, duke e përshkruar si të jashtëzakonshme dhe duke theksuar falënderimin që ai ka marrë nga zyrtarët perëndimorë për kontributin e tij. Megjithatë, Behrami ka kritikuar Albin Kurtin për mos mbështetjen e bashkëpunimit me Amerikën dhe për fushatën denigruese ndaj Osmanit.
