Asfaltohet rruga “Filip Shiroka” me një gjatësi mbi 1 kilometër

05/11/2018 Institucionet

Këtë të hënë ka filluar të bëhet asfaltimi i rrugës “Filip Shiroka”, në kuadër të asfaltimit të rrugicave të qytetit të Ferizajt. Nga afër punimet në këtë rrugë i ka përcjellë edhe Kryetari i Komunës së Ferizajt, Agim Aliu së bashku me drejtorin e infrastrukturës, Arbër Bytyqin, por edhe bashkëpunëtore të tjerë. Me këtë rast drejtori i infrastrukturës, Arbër Bytyqi, këtë projekt e ka cilësuar si të një rëndësie tejet të madhe me vet faktin që po investohet në rrugët e qytetit të Ferizajt. “Jemi në zonën urbane të Ferizajt, jemi në muajin nëntor, por kushtet e mira atmosferike na kanë mundësuar vazhdimin e asfaltimit të shumë projekteve që janë të Komunës së Ferizajt. Sot po bëjmë fazën e fundit të asfaltimit të kësaj rrugë e cila ka një gjatësi prej mbi 1 kilometër, ndërsa ka një kosto prej 50 mijë euro”, është shprehur drejtori Bytyqi. Ndërsa banorët e rrugës “Filip Shiroka”, kanë falënderuar Kryetarin Aliun dhe Komunën e Ferizajt për rregullimin dhe asfaltimin e rrugës së tyre. U bë e ditur se edhe ditëve në vazhdim do të ketë asfaltim të rrugëve të ndryshme të cilat janë të gatshme për t’u asfaltuar.

Kontrolloni gjithashtu

Komiteti për Familjet e Dëshmorëve, Invalidëve dhe Veteranëve të UÇK-së  dhe Martirëve të luftës në komunën e Malishevës mbajti mbledhjen e tretë të rregullt

Komiteti për Familjet e Dëshmorëve, Invalidëve dhe Veteranëve të UÇK-së  dhe Martirëve të luftës në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara